બાપનું હૈયું...

બાપનું હૈયું....

છે હૈયું છલોછલ ભરેલું, પણ છલકાય ના

છું બાપ એટલે નયનથી વહાવાય ના,

છીએ ઘરના મોભી , માન સન્માને  બસ ખેલીએ
પરિવારને પ્રેમથી સીંચીએ , પરગજુ હૈયું પરખાય ના

બાપ કરતાં થાજો સવૈયા, જીવન  મંત્ર સંતાનોને દેતા
પહાડથી ઝરતી  આ અવિરત ધારા, ઝંઝાવાતે રોકાય ના

 સંઘર્ષ એ ચાવી સફળતાની, અદમ્ય ઉત્સાહની  ગાથા આ બાપ
સાવજની દહાડ દેતું જીવન ,સંસારે ક્દી વિસરાય ના

પરિવારની પ્રેરણા એ લક્ષ ,  બાપનું હૈયું એ સુખની રે છાયા
ચાહતના ઉપવનની ભેટ, સૌરભ કદી કેદ થાય ના

બાપનું હૈયું શ્રીફળની જાત, 

મંગલ ગાણે વરદાય એ...પણ છલકાય ના(૨)

.....