જિંદગી

સૂરજના કિરણોમાંથી રેલાય જિંદગી

પૂર્વી પવનના સાદ લાવે જિંદગી

કુદરતના ખોળે કિલ્લોલ કરતી

પર્વતમાળામાં પડઘા છે જિંદગી

નદીઓના વહેતા પાણીની જેમ 

નિરંતર વહેતી જાય છે જિંદગી

આખા દિવસની મહેનત પછી

નિરાંતની નિંદ્રામાં છે જિંદગી

ઘોડિયામાં સૂતા બાળક માટે તો

માતા જે આપે એજ જિંદગી

આ ક્ષણ આ પળ જીવિલો સૌ કોઈ

ક્ષણભંગુર છે આ જિંદગી

ક્યાંક જોવો તો ઉત્સવ જિંદગી

ક્યાંક જોવો તો મંથન જિંદગી

શોધું હું ઉકેલ નિરંતર

તોય ના કળાય જિંદગી