અમૃત બિંદુ
અમૃત બિંદુ
પાણી નહીં આ અમૃત બિંદુ...
કેમ સમજાવું જન સર્વે ને
પાણી નહીં આ અમૃત બિંદુ,
મહાદેવના શિરથી વહેતું
પાણી નહીં આ અમૃત બિંદુ।
મરતાનાં મુખ મહી જાય છે
પાણી નહીં આ અમૃત બિંદુ
ગરીબ પેટે પટો બાંધી
પિએ જાય આ અમૃત બિંદુ,
સર્જન કહો કે વિનાશ કહો
બંને નું કારણ આ બિંદુ,
જીવવાની રીતો સમજાવે
પારદર્શકતા સાચી બતાવે,
ભળી જવાની રીત શીખવાડે
કણ કણમાં જીવન ઉપજાવે,
વિચારીને વાપરજો નર સૌ
પાણી નહીં આ અમૃત બિંદુ,
કળયુગમાં ખૂટશે ધન સાચું
પાણી નહીં આ અમૃત બિંદુ,
કહે ગુર્જરી પ્રણ લો આજે
બુંદ બુંદ સાચવવા કાજે,
નર્મદા, સરસ્વતી, કાવેરી, સિંધુ
પાણી નહીં આ અમૃત બિંદુ.