મંઝીલ નથી મળતી
મંઝીલ નથી મળતી
હલેસા માર્યા વગર, હોડી જાતે, નથી તરતી,
પ્રયત્ન કર્યા વગર, એમ, મંઝીલ નથી મળતી !
કરવાને જાળ કરોળિયો, ભોંય ઉપર ચડે,
પડી પડીને, ફરી પાછો, ભોંય ઉપર ચડે,
પડીને, ચડવામાં, એની હિંમત, ઓછી નથી થતી,
પ્રયત્ન કર્યા વગર, એમ, મંઝીલ નથી મળતી !
શિખરે ચડવા, પર્વતારોહક, ખુબ પ્રયત્ન કરે,
નીચે ગબડી, ફરી પાછો, હિંમતથી ઉપર ચડે,
દરેક વખતે, એની કોશિશ, સફળ નથી થતી,
પ્રયત્ન કર્યા વગર, એમ, મંઝીલ નથી મળતી !
નિશાનબાજ, નિશાન તાકવા, ધ્યાન ખુબ ધરે,
નિશાન એકવાર ચુકી, ફરી પાછી, આંખ મીંચે,
દરેક પ્રયત્ને, માછલીની આંખ, વિંધાઈ નથી જતી,
પ્રયત્ન કર્યા વગર, એમ, મંઝીલ નથી મળતી !
ધ્યેય સિધ્ધ કરવાં, વિકલાંગ, મક્કમ મનોબળ ધરે,
એકવાર થાકી, બીજો જોશભેર, પ્રયત્ન કરે,
અસફળતા, શારીરિક અક્ષમતાથી, હાર નથી માનતી,
પ્રયત્ન કર્યા વગર, એમ, મંઝીલ નથી મળતી !
સફળ લેખક થવા, વિવિધ રચનાઓ નિત્ય કરે,
એક નહીં તો બીજી, કૃતિ એમ, રોજ રચે,
નકારાત્મક અભિપ્રાયથી, “ચાહત”ની હિંમત, કમ નથી થતી,
પ્રયત્ન કર્યા વગર, એમ, મંઝીલ નથી મળતી !