બાળઉછેરની યાદ દાદાજી

વ્હાલ વરસાવતું એકાદ સગપણ મળી આવે,

લીમડાનાં વ્રુક્ષમાં ક્યાંક ઘડપણ મળી આવે,

ચીંથરેહાલ નોટનો શું ભરોશો? ફાટી પણ જાય,

પરચુરણને પ્રેમ કરતું એ બચપણ મળી આવે, તમને જોવુ ને...

નાનપણમાં લાગેલી ઠોકરનાં માર પર

મારેલી એ હળવી ફૂંક યાદ આવે,

મરી ગ​ઈ કિડી ને મટી જશે તરત એ

નાનપણની જૂઠકડી યાદ તરી આવે, તમને જોવુ ને...

માનો આપ્યો વ્હ્યલ, પિતાનું આપ્યું નામ,

એવુ એક દિલનું સગપણ મળી આવે,

મીઠી મારી ભાવતી એ હરીયાળી વરીયાળી યાદ આવે

તમને જોવુ ને એ બચપણ યાદ આવે.

સૂરજને સંતાડી પટપટાવતી એ પાંપણ મળી આવે,

તેમ ટચલી આંગળી પકડીને ચાલતાં શિખ​વેલું

એક દર્પણ મળી આવે,

તમને જોવુ ને એ બચપણ યાદ આવે.

રાત-દિવસ જે છેતરી ગઈ એવી

ભીતરની ભીંત યાદ આવે,

બચપણની યાદોને તાજી કરતુ

તમારા મુખ પર એક હાસ્ય છલકઈ આવે,

તમને જોવુ ને એ બચપણ યાદ આવે…

રમૂજ,મિજાજી અને સલાહથી ભરપુર

એવી વાતો યાદ આવે,

આજે પણ ફરી નાનપણ ને ન​વેસરથી

જીવ​વાની એ છટા યાદ આવે,

તૈયારી કરી છે ખુલ્લા દિલે,વ્યાજ ચૂકવ​વાની

બાધી મુદતની જો એકાદ થાપણ મળી આવે,

તમને જોવુ ને એ બચપણ યાદ આવે.

તમને જોવુ ને એ બચપણ યાદ આવે.