અવરથી આપણે થયાં
અવરથી આપણે થયાં
આ વર્ષે ક્ષણો કેટલાં જલ્દી વિત્યાં,
હું અને તું અવરથી આપણે થયાં.
સ્મરણ સાગરની લહેર સાથે વહ્યાં,
વિયોગની વ્યથાને કેમ કરું બયાં ?
પરાણે મેં પાંપણનાં પલકારા રોક્યાં,
નયનો મારા તુજ દર્શ કાજ છે તરસ્યાં,
વાટ જોતો હજુ હું છું ઊભો ત્યાં,
પણ, તારા આગમનાં એંધાણ ક્યાં ?
ઉર ઊર્મિના ઉકળતાં ઉભરાં સહ્યાં,
ખૂણામાં બેસીને મેં હીબકાં ભર્યાં,
વિરહના ઝખ્મોંને કવનમાં મેં કહ્યાં,
મનોરથો મારાં મનનાં મનમાં જ રહ્યાં.
હવે ન પૂછશો શી દશા છે તમારી,
થયાં તરુ એવાં જેનાં બધા પાન ખર્યાં.
અરજ છે થાવ વસંત, આવી પાનખર જ્યાં,
સદા 'બંદગી' એ તમારાં જ જાપ જપ્યાં.