અવર્ણનીય

કુદરતની બનાવેલી આ દરેક ચીજ અવર્ણનીય છે,

ઘટાટોપ વૃક્ષ જેમાંથી થાય, એ બીજ અવર્ણનીય છે.

ચંદ્રની શીતળતા અને સંધ્યાના રંગો અવર્ણનીય છે,

ચાંદનીમાં ઉઠતા સાગરના આ તરંગો અવર્ણનીય છે.

પંખીનો કલરવ અને મોરનો મીઠો ટહુકો અવર્ણનીય છે,

કેસરિયો ગુલમ્હોરને વળી આ મહુડો અવર્ણનીય છે.

આકાશમાં તારાનું ટમટમવુંને ખરવું અવર્ણનીય છે,

પાણીમાં રંગબેરંગી આ માછલીનું તરવું અવર્ણનીય છે.

કુદરતની કેવી છે કરામત, લીલા એની અવર્ણનીય છે,

ફૂલમાં ભરે સુગંધ એ 'કુસુમ' કલા કેવી અવર્ણનીય છે.