અવકાશ શોભે ઝીણા ઝીણા તારલે

અવકાશ શોભે ઝીણા તારલે રે લોલ...!

કાળી કાળી વાદળી આભમાં રે

એતો ઊંચી ઊંચી દોડતી જાય

અવકાશ શોભે ઝીણા તારલે રે લોલ...!

ચાંદામામાની શીતળ ચાંદની રે

એ તો સૂરજ પાછળ સંતાય જાય

અવકાશ શોભે ઝીણા તારલે રે લોલ...!

સૂરજ તપે છે ધોમધખતા રે

ઝાડની છાંયડે ઢંકાઈ જાય

અવકાશ શોભે ઝીણા તારલે રે લોલ...!

પૂનમના ચાંદ બહુ ચમકતા રે

અમાસ આવે ને છુપાઈ જાય

અવકાશ શોભે ઝીણા તારલે રે લોલ...!

વરસાદી વીજ જોને ચમકે રે

કાળાં કાળાં વાદળ દોડી જાય

અવકાશ શોભે ઝીણા તારલે રે લોલ...!