અવાજ રાખને

જીવી શકું તો જીવી લઉં હું મારા કિરદારને,

દુઆ કરું અધ્ધર ઉઠાવી હાથ તું સ્વીકારને,

સંજોગો આવે' જુએ નૈ ચોઘડિયા કે વારને, 

વિંધાશે માછલીની આંખ તું હારને પડકારને,

કારમી વસમી વેળાઓ આવે ને ગુજરી જાય, 

હૈયામાં સળગતા શબ્દની ચિનગારી બુઝાવને,

વિસ્મરણ સારું' રાખી ને યાદ કેટલુંક રાખવું,

ગમતાંનો સરવાળોને બીજી બાદબાકી કરને,

અંદર કંઈ સળવળતું' હિમ સરીખું થરથરતું,

મૂંગામૂંગા નૈ ચાલે ઝીલ થોડો અવાજ રાખને.