અત્તરની શીશી

અમસ્તાં ફંફોસતા ફરી મને જડી, એ અત્તરની શીશી

સોનેરી ઢાંકણાંવાળી કાચની, એ અત્તરની શીશી,

સાવ ખાલીખમ છતાં જાણે છલોછલ ભરેલી,

સ્મરણોની તાજી સુગંધ ભરી, એ અત્તરની શીશી,

જાણું છું, તું છે ભૂલકણો બેપરવાહ મસ્ત મિજાજી

પણ સાચવી છે સોગાદમાં આપેલ, એ અત્તરની શીશી,

આપણાં સંબંધના સાક્ષી ફક્ત સ્મરણોની થોડી સોગાદ છે,

એ સઘળું સંતાડી સંભાળી રાખ્યું, સાથે એ અત્તરની શીશી,

કહાનીને અધવચ્ચે છોડી થયાં અળગાં આપણે ને,

તું વિસરી ગયો ને હું સુંઘતો રહ્યો ખાલીખમ, એ અત્તરની શીશી.