અપેક્ષા

ફ્રેશ થઈને શાંતીથી આરામખુરશીમાં ગોઠવાયો,

ત્યાં જ અવાજ આવ્યો -- ચા લાવું ?

કંઈ વિચારોમાં છો ? ઓફિસમાંં બોલાચાલી ?

હું મૌન હવામાં તાકતો ચા પીતો ગયો,

નવી ઓફિસ-- નવા લોકો ઘણો સમય ગયો,

જૂની ઓફિસમાંથી કોઈ ફોન નથી- કેમ છો ?

જેમની સાથે આઠ-દસ કલાક કામ કરતા,

આજે એમાંથી કોઈ યાદ પણ નથી કરતું ?

જે મારે માટે કોઈની પણ સાથે લડી લેતાં,

એ આજે વીસરી ગયાં હોય એવું લાગે છે;

મારે બહાર એવું જ અને ઘરમાં પણ એવું જ.

એક જ તકલીફ છે સાલી, એ છે "અપેક્ષા" !

જીવનમાં કોઈની પાસે કોઈ પણ અપેક્ષા

રાખવું કર બંધ, પછી જો દુ:ખ થાય ગાયબ !

બેંકનું એટીએમ કાર્ડ તમને પૈસા કેટલાં આપે ?

જેટલાં જમા કર્યા, એટલાં જ ખર્ચી શકો ને !

એક ખાતું ખોલ્યું છે "ઇમોશનલ એકાઉન્ટ", 

જ્યાં સુધી બેલેન્સ હશે ત્યાં સુધી વપરાશે,

ઓફિસમાંથી નીકળતાં જ બેલેન્સ ખતમ,

એટલે "નો યાદ ", "નો કોલ ", " નથીંગ",

વપરાયું ના હોય પણ આ અકાઉન્ટમાં,

બંનેનું જમા કરેલું બેલેન્સ હોય ઘણું;

એટલે અપેક્ષાભંગ કે દુ:ખ નથી થતું એમને,

ઇમોશનલ અકાઉન્ટમાં ભરપૂર બેલેન્સ જેમને;

ઇમોશનલ બેલેન્સ ઘટી ગયું છે- ટૂકડે ટૂકડે,

કહેતાં કહેતાં આંખમાં અશ્રુધારા વહેવા લાગે;

આજે આંખોમાં જે આંસુ દેખાય છે ને તો,

ઇમોશનલ અકાઉન્ટ થયું ફરી રિચાર્જ ?

એકાઉન્ટમાં ભરપૂર બેલેન્સ તો અપેક્ષાઓનો,

ન થાય ભંગ ને સચવાય સંબંધોની સુગંધ,

એક તરફી રિચાર્જ થયા કરે તો દુ:ખ જ થાય,

પ્રોફેશનલ સંબંધોની ભેદરેખા ઇમોશનલ એકાઉન્ટ !