હું કે તું ના પ્રશ્નમાં
હું કે તું ના પ્રશ્નમાં
શબ્દો હતાં ઘણા બધા,
અધરો પર આવી અટકી ગયા,
જીવ્હાની નિસરણી કરી,
ફરી અંતરે ઉતરી ગયા.
અંતરે ઉતરી પછી
એકબીજાથી લડી પડ્યા,
હું કે તુંના પ્રશ્નોમાં,
ત્યાંના ત્યાંજ રહી ગયા.
નિત્ય નવા શબ્દોનું અહીં,
આગમન હવે થાય છે,
રોજ નવા ભાવોથી,
હવે અંતર પણ મુંઝાય છે,
શબ્દો સાથે ભાવોની,
હવે જંગ છેડી જાય છે,
હું કે તું ના પ્રશ્નોમાં,
ત્યાંના ત્યાં જ રહી જાય છે.