વિધવા ભાગ- 22 સધવાની પ્રાર્થના
વિધવા ભાગ- 22 સધવાની પ્રાર્થના
એક સાસરેથી પરણી બીજા સાસરે આવી,
એમાં થઈ જો કંઈ ભૂલ હોય તો
પ્રભુ ! મને માફ કરજો !
એક ચૂડલો નંદવાયો બીજો ચૂડલો પે'ર્યો,
એમાં થઈ જો કંઈ ભૂલ હોય તો
પ્રભુ ! મને માફ કરજો !
આ દુનિયામાં તેઓને સુખ ન મળ્યું,
એ દુનિયામાં સુખ આપજો,
પ્રભુ ! એટલી કૃપા કરીને
એનું દુઃખ તમે હરજો !
એક ભવના બે ભવ કરીને,
વૈધવ્ય મારું આજે ભાંગ્યું,
એમાં જો કંઈ ખોટું થયું હોય તો
પ્રભુ ! મને માફ કરજો !
નવો પતિ થયો, નવો સંસાર થયો,
નવી દુનિયામાં આવી આજે,
એમાં જો કંઈ વિઘ્ન હોય તો
પ્રભુ ! તમે દૂર કરજો !
કામણગારો છે મારો લાડલો પતિ,
મનડું નિર્મળ નિરાળું છે,
નજર કોઈની ન લાગે તેથી
પ્રભુ ! એની રક્ષા કરજો !
અટપટી છે જિંદગીની ઘટમાળ,
અટવાઈ એમાં રહેવું પડે,
હું પણ એમાં અટવાઈ ગઈ
પ્રભુ ! હૈયે હામ ભરજો !