પેટ કરાવે વેઠ

કેવા કેવા ભેદ જગતમાં,

કેવા કેવા ભેદ,

કોઈ હોય ધનવાન,

ને કોઈ હોય નિર્ધન,

ધનવાનનો વૈભવ એવો,

નીત નવા કરે શોખ,

નિર્ધન બિચારો ઠેબા ખાય,

મળે રોટીનો એક ટૂકડો,

કેવા કેવા ભેદ જગતમાં,

કેવા કેવા ભેદ,

કોઈ ને મળે પકવાન,

ને કોઈ ને મળે રોટી,

કોઈ ધનથી આનંદ લેતા,

કોઈ તન મજબૂરીમાં દેતા,

કેવા કેવા ભેદ જગતમાં,

કેવા કેવા ભેદ,

મોંઘા વસ્ત્ર ટૂંકા પહેરતા,

ફેશનનું કેવા અનુસરતા !

કોઈ ને ના મળે એક વસ્ત્ર,

અંગ ઢાંકવા પહેરે ફાટેલ વસ્ત્ર,

મજબૂરી કરાવે કેવા ખેલ,

રોટી વસ્ત્ર માટે નીકળે તેલ,

કેવા કેવા ભેદ જગતમાં,

કેવા કેવા ભેદ !