ખામીની શોધ
ખામીની શોધ
શોધી ના શક્યા પ્રેમને, તો તમે ખામી શોધી ગયાં,
કામ ના લાગી એ કશું, સાવ નક્કામી શોધી ગયાં,
સાગર જેવું હૃદય છે, ને ડૂબવાની હિંમત ના કરી,
કે લહેરો ના શોધી શક્યા, તો સુનામી શોધી ગયાં,
જીવન તણાં બાગમાં પુષ્પ જેવાં તમે જ તો હતાં,
કાંટાય હતાં, ને ઉપરથી વાત અનામી શોધી ગયાં,
રાતની આ ખામોશી હવે તો ઊંઘવા દેતી નથી મને,
જીવવું હતું તમારી સંગે, ને તમે નનામી શોધી ગયાં,
એક ક્ષણમાં બદલાઈ ગયો આપણો આ સંબંધ,
મેં આપી નહીં, ને તમે છેલ્લી સલામી શોધી ગયાં !