વસવસો

પ્રભુ આ વખતે સુખ નહી દુઃખ માંગુ છું,

એમનો ગમ જરા એકલો પડી ગયો છે !

રાતની વર્ષા પછીની મધુર સવાર જોવી છે,

બારીના કાચમાં લિસોટો રહી ગયો છે !

"છેલ્લા પગથિયે પહોંચીને કેમ હાંફી ગયો ?"

એમ કહીને દસ માળ ચડી ગયો છે !

પ્રેમની દુર્બળતા કબુલતા જીભ ન ઉપડે,

લખવામાં પણ પરસેવો છૂટી ગયો છે !

જીવનની માળની અધૂરી કડી જોડ પ્રભુ,

લાગે છે પહેરવાનો સમય થઇ ગયો છે !

બધું ધાર્યું પાર ન પડે તો પણ શું થયું ?

અહમ પણ કોણ સાથે લઇ ગયો છે ?

એમને બધુંજ જોઇયે તો લ્યો બધું છોડતો જાઉં છું !

માફ કરજો, મનના એક ખૂણે વસવસો રહી ગયો છે !!