દેશની સ્થિતિ

દેશની સ્થિતિ એમ ને એમ,

જનતાની મતિ એમ ને એમ !

દેશ ગતિ, પ્રગતિ એમને એમ,

દેશ અધોગતિ એમ ને એમ !

પ્રધાનોની પ્રગતિ છે ઝળહળ,

જનતાની દુર્ગતિ એમ ને એમ !

કરે અતિશયોક્તિ એમ ને એમ,

મૂર્ખ બનાવતી યુક્તિ એમ ને એમ !

રામરાજ્યની વાતો એમ ને એમ,

એકની એક ઉક્તિ એમ ને એમ !

ભાષણ ને ભક્ષણવૃત્તિ એમ ને એમ,

જડી દે એકાદી તકતી એમ ને એમ !

આજેય આસુરી શક્તિ એમ ને એમ,

જનતા ધર્મનામે ઝગડતી એમ ને એમ !

કયાં બદલાવ કવિહૈયું ઉકળી કરે પોકાર,

તોય કાન્તાસુત લખે પંક્તિ એમ ને એમ !