અનંત કરુ છું

બહુ જાપ જપ્યા તારા નામનાં હવે બંધ‌ કરુ છું,

તારી સાથેના સઘળા સંબંધોનો હવે અંત કરુ છું,

ઘણું જીવજે તારી દુનિયામાં તારી મરજી મુજબ,

તારા માટે બસ આ આખરી દુઆ અનંત કરુ છું,

ખુલ્લા આકાશે ઊડવાના સપના હજીય શ્વસુ છું,

ના જોઈએ તારો સાથ હિંમત જાત સંગ કરુ છું,

અનુભવોના ઓથારે આ ભવને ઉજાગર કરીશ,

પડીશ, હારીશ ફરી ચાલીશ ના કોઈ રંજ કરુ છું,

સ્વનું નામ આભે ચમકાવીશ એક દિન જરૂર,

જીવું સત્યને પચાવી સાંજ ના કોઈ દંભ કરુ છું.