અંધારી રાત ને સપનું

જોને અંધારી રાત ને સપનું પણ હતું એવું,

પેલા આભલાને પણ શરમાવી જાય તેવું !

મોજાઓના શબ્દો ભલે ઘૂંંઘવાટા કરતા,

ને તોય સાગર કિનારે આંખોમાં આંખ ભળી તેવું !

તારલાઓ ટમટમીને મારી આંખો અંજાવતા,

ને તારા ખોળામાં મસ્તક મારું શમી જાય તેવું !

તું ને હું બસ એક ક્ષણની વાટ જોતા,

ને બેહદ, બેહિસાબ પ્રણય રચાઈ જાય તેવું !

રાત બાકી હતી તો અરમાન પણ બાકી,

ને તોય પૂર્ણતા જીવનમાં ભરાઈ જાય તેવું !

જોને અંધારી રાત ને સપનું પણ હતું એવું,

આપણા જીવનમાં નવ સંચાર કરી જાય તેવું !