લાઈબ્રેરી
પ્રોફાઈલ
અમથું સપનું
અમથું સપનું
1 min
261
ઉગતાં સૂરજે આવેલું એક અમથું સપનું
બતાવે મારગ જીવનનો એક અમથું સપનું
ઝાંખી ઝાંખી એની છબી હતી દેખાતી
મનડા હરી લેતું મારા એક અમથું સપનું
પકડ્યું ના પકડાય એ તો જાય ભૂલાઈ
કયાંક ખૂણે યાદ રહેતું એક અમથું સપનું
ના દેખાય છતાં મહેસૂસ થાય દિલડે મારા
હાથમાં ના આવે એવડું એક અમથું સપનું
થાય સંધ્યાને ચાંદો આવે આભમાં તારલાં
ફરી ઝગમગાટ મારતું મારું એક અમથું સપનું
