અમરત્વ પ્રાપ્ત કરવા
અમરત્વ પ્રાપ્ત કરવા
લખ ચોરાસી અવતરે માનવ દેહ,
એમ ન એળે જવા દઈએ દેહ,
અમરત્વ પ્રાપ્ત કરવા સત્કર્મ કરીએ રે !
ઈશ્વર ભકિતથી મોક્ષ મળતા રે,
ઈશ્વર વિના નહીં ઉદ્ધાર રે,
અમરત્વ પ્રાપ્ત કરવા સત્કર્મ કરીએ રે !
કર્મનું ફળ સૌને મળતા રે,
સારા કર્મના ફળ સારા મળતા રે,
અમરત્વ પ્રાપ્ત કરવા સત્કર્મ કરીએ રે !
બે ભાઈ ભાઈમા ઘણા ફેર રે,
એતો કર્મ તણા ફળ ભોગવતા રે,
અમરત્વ પ્રાપ્ત કરવા સત્કર્મ કરીએ રે !
સુખની શોધમાં સૌ ફરતા રે
હરિ વિના નહીં ક્યાંય મળતા
અમરત્વ પ્રાપ્ત કરવા સત્કર્મ કરીએ રે !