અમાનત

આવડત એ તો સૌ કોઈની અમાનત છે,

કુદરતે બક્ષેલી એક અનોખી કરામત છે,

ભલેને જોડે બીજા એને ભાગ્યની સાથે,

ખરેખર તો એક સાધનારૂપી કરામત છે,

કલા તો વિકસે અંદરથી જ એની જાતે,

છીનવી નહિ શકે કોઈ એવી કરામત છે,

વિઘ્નો અનેકો ભલેને આડો રસ્તો કાપે,

કસોટીમાં ચમકે એ કંચનની કરામત છે,

આપનારો સહુને એક સરખું જ આપે,

પામે કેટલું લેનારો એ ખરી કરામત છે,

માનવી ભલેને પોતાની પટ્ટીથી જ માપે,

કર્મનું ફળ દરેક પામે એ ખરી કરામત છે.