હૈયાનું હયાતનામું

હમણાં બોલતા નથી ને મૌન રહો છો ?

આંખોના ઈશારે તો થોડું સમજવી દો,

મન તણા તરંગો સહજ અનુભવો છો !

લાગણીની લીપીથી તો થોડું બતાવી દો,

વચનોના વાયદા ઘણા બધા આપો છો ! 

તિથિનું તોરણીયું તો એમાં બંધાવી દો,

સપના કેરા દ્વાર આવીને ખખડાવો છો !

હકીકતમાં આવીને તો થોડું જતાવી દો,

દિલના દસ્તાવેજમાં દસ્તખત કરો છો ! 

હૈયાનું હયાતનામું તો એમાં લખાવી દો,

અવિરત અજમાવીને પરીક્ષા કરો છો !

પારદર્શક પરિણામ તો થોડું જણાવી દો.