જીવન એક સમુંદર

હિંમત ના હારીએ ભલે સામે પૂરો સંસાર,

મુશ્કેલીઓના રચાય વમળ ભલે પારાવાર;

જીવન એક સમુંદર ને એમાં નૈયા મઝધાર,

આંધી સમ અંધરા ડગાવે છો ને લગાતાર,

અડગતા રૂપી શઢ ને વિશ્વાસનો બથવાર;

જીવન એક સમુંદર ને એમાં નૈયા મઝધાર,

આશંકાના વાદળો કરશે અંધારું પળવાર,

અંતરના ઉજાસની કરીએ હંમેશા દરકાર;

જીવન એક સમુંદર ને એમાં નૈયા મઝધાર,

આડંબરો ઊભા કરતા અસુરોના અવતાર,

અવસર આવ્યે ઉજવી લેશું કહે "ૐકાર";

જીવન એક સમુંદર ને એમાં નૈયા મઝધાર.