અખબારનાં પાનાં રડે

થીજી જતાં અશ્રુકણો ! પીંખાય છે નારી અહીં,

થઈ રાંકડા બેઠા અસુર, ચૂંથાય છે નારી અહીં.

અખબારનાં પાનાં રડે ! ટી.વી. થતું લાચાર ભઈ !

ઘટમાળ આવી રોજની, લૂંટાય છે નારી અહીં.

જીવનતણાં મૂલ્યો ધરાશાઈ, રડે પાતાળ જઈ,

સંસ્કાર છોગા ભાળતી, અકળાય છે નારી હવે,

તનથી ખરી છે રક્ત કેરી લાલિમા ! પણ થાય શું ? 

ખોટી ખરી વાતો સૂણી, ગભરાય છે નારી અહીં.

સૌંદર્યમય આ સૃષ્ટિના, સૌંદર્યનું કરવા જતન !

ડગલાં ભરે 'શ્રી' આકરા, મલકાય છે નારી અહીં.