અજવાળું
અજવાળું
તમે હતાં એથી જીવનમાં અજવાળું હતું,
અન્યથા તો આભનું આ જગત કાળું હતું,
ખોલવાની કોશિશ તો ઘણી કરી છે છતાંય,
ખુલી શકે એવું ક્યાં આ સંબંધનું તાળું હતું !
સફાઈ કરી ખૂબ મેં તો પ્રેમના પોતાથી કિંતુ,
બાજેલું તમારી આંખે એ શંકાનું જાળું હતું !
અમીર ઘણાય હતા અમે કે મળ્યાં તમે હતા,
ને હજુ છે ઘણું તે છતાંય ફૂંકાયું દેવાળું હતું !
હતી એક ઈચ્છા પ્રેમ પામવાની તારી 'ઉમંગ',
કિંતુ રંજ એટલો કે નસીબ જરાં મોળું હતું !