અઘરું છે
અઘરું છે
ચાર આંખો, મળી જાય છે પળમાં,
હૃદયમાં ધડકન, બની રહેવું અઘરું છે !
ભૂલ થઈ જાય છે, જિંદગીમાં કોઈવાર,
ભૂલ સ્વીકારી, માફી માંગવું અઘરું છે !
નિષ્ફળતા મળતી રહે છે, દરેક પગલે,
પગલું હિંમતથી ભરતાં રહેવું, અઘરું છે !
તીર શબ્દોનાં, ઘાયલ કરી જાય છે,
જખ્મી થઈ, સહેતાં રહેવું અઘરું છે !
વધસ્તંભે ચડાવે છે, પોતાનાઓ સૌ,
લોહીલુહાણ થઈ, માફ કરવું અઘરું છે !
નફરતનાં બીજ, ઊગી જાય છે સહેલાઈથી,
'ચાહત' દિલોમાં જગાડવી, અઘરું છે !