આવને પ્રિયે !

આવને પ્રિયે ! તારી જિંદગીને સંધ્યાના રંગથી રંગી દઉં,

આથમતા સૂરજની ખૂબસુરત લાલિમા લિંપી દઉં !

જો ને પેલા પંખીઓ પણ જાય છે સૂવાને પોતાના માળામાં,

તારી બધી ચિંતાઓને ચિતા આપી તને આગોશમાં લઈ લઉં !

ખીલી જશે હમણાં ચંદ્રમા ને જોડે હશે તારાઓનો સાથ,

એવો જ અનંત સાથ આપી તારા જીવનને રોશનીથી ભરી દઉં !

જો ને દૂર ક્ષિતિજે દેખાય છે આભ ને ધરાનું અદ્ભૂત મિલન,

આપણા મિલનને સોનેરી સપનાંની પાંખ આપી દઉં !

આવને પ્રિયે ! જીવન સંધ્યા સુધીના સાથનું વચન આપી દઉં,

આપે જો તું રજા તો મારી જિંદગીને તારું નામ આપી દઉં !