આવ કવિતા આવ…
વરસે અંતર, વરસે વ્યોમ,
ખીલી ચાંદની સાગર સોમ,
ભાવે ભીંજવવા , આવ કવિતા આવ(૨)
ષટ્ રસ ધારે વહેતી ઊર્મિ,
છેડે સંગીત મનહર મૂર્તિ
ઉર સંદેશા ઝીલી કવિતા, ભાવે ભીંજવવા… આવ કવિતા આવ(૨)
ઢોલ મેળાના, બોલ હૈયાનાં,
નટખટ નટવર નયન નમણાં
સાક્ષર સાજન ના કોઈ બંધન, ઓજસ ધરવા…આવ કવિતા આવ… આવ કવિતા આવ.
પવન ઝુલે ઝુલે રાધા, રાસે રમાડે આજ કવિતા
દિન તારો છે બોલે માધા, રંગ જમાવવા … ભાવે ભીંજવવા .. આવ કવિતા આવ(૨)
રમેશ પટેલ(આકાશદીપ)