આંસુ

અશ્રુ મારું નામ, 

આંખ મારું રહેઠાણ, 

પાંપણે ટીંગાણી, 

સ્વાર્થ જોખાણી, 

પરમારથે પોંખણી,

પવિત્રતા છોડી પૈસામાં પડી,

ખુશી ને રૂદન એ મારી જોડી,

હું ત્યાં ઝૂમી, 

જ્યાં લાંચની છડી ઘુમી,

નકલી અસલી બધે થયું આલમમાં,

રહે નહીં સત્ય, મારામાં, રહું હું માનવમાં,

બોલી રામનામ, મને હું ભક્ત કહું, 

ક્રિયા -કર્મ મારા જાણે નહીં,

આ ભોળી જનતા,

ભોળવું એને બાબાઓ ને (સાધુ)નામે,

મારી ગાથા ને કીર્તિ ખૂબ જામે,

ડર નહીં મને ખુદાનો, 

કે ભય નહીં ભોળી પ્રજાનો,

નરનાં વેશે નરાધમ થઈ ફરુ,

અરે ! આસ્થાના નામે, જગ ચરું, 

ભીડ પડે, ન હું તો ભટકું, 

ભોળા આંસુના સહારે છટકું.