આંચકો હવાનો
આંચકો હવાનો
અડીખમ દેહ છે, આધાર તો તેમાં દવાનો છે, દવા જો જાય અટકી તો તરત નીચે જવાનો છે !
ન બેદરકાર રે'શો, આજની એવી છે આગાહી, અહીં તો લાગવાનો આંચકો મોટો હવાનો છે.
ખબર તો આવશે સારી, હવાની ઝીક ઝીલી જો, પછી તો આ સમય મદમસ્ત થૈને ઝૂમવાનો છે.
સમય મદમસ્ત ઝૂમે, આપણે પાછળ રહીએ શું ? અહીં કુદરત-સહારે કો' બખો તો ખાટવાનો છે.
બખો તો ખાટશે 'સાગર', અહીં છે શક્યતા એવી,પછી તો તેમને થોડોઘણો શણગારવાનો છે.