આખરે કહેવું કેટલું

જે સમજતા જ નથી એને સમજાવું કેટલું ?

જેને કદર નથી એના પાસે માથું નમાવું કેટલું ?

જેના પર કંઈ અસર જ નથી થતી શબ્દોની,

એને આખરે મારે કહેવું કેટલું ?

એને તો આદત છે વાત વાતમાં રિસાવાની,

શું કરું એને આખરે મનાવું હું કેટલું ?

પ્રકૃતિના સાનિધ્યમાં ખુશીની શોધ કરી લીધી,

બેવફાની યાદમાં આંસુ વહાવું હું કેટલું ?

મારી જાતને જ મે મનાવી લીધી આખરે,

આમ સૂકુંનની શોધમાં મારે ભટકવું કેટલું ?

દિલના દ્વારે લગાવી દીધું છે મેં તાળું,

એની યાદમાં મારા દિલને દુઃખાવું કેટલું ?