આજકાલ હેડેક ચડે છે

ઉઠોથી શરૂ થતી જિંદગી,

ગુડનાઈટ કીધા વગર પતે છે.

મેરેજ પછી થોડા જ સમયે,

આજકાલ હેડેક ચડે છે.

ટુચકા, પછી ગલગલીયા,

પછી ભૂસકા ને તડતડીયા,

પછી લડ્યા, આવ્યા ડૂસકાં,

હવે એકબીજાને ખાવા દોડે છે.

સમય નથી એટલે મેસેજ,

સબંધ જાણે ન વેઠાતું લગેજ,

સેક્સ એટલે કોમન પેસેજ,

જ્યાં એકલતામાં બાલ્કની અડે છે.

ધરતીનો છેડો ઘર કહેવાય,

એ પછી ઘર બહાર મેળો બને છે,

સંગ સાવ રંગહીન થતો જાય,

જે પહેલા પાર્કમાં, એ હવે કોર્ટમાં જડે છે.

લગ્નની વ્યાખ્યા બદલાઈ ગઈ છે,

સમાધાન, સુસંગ, સમાગમ છોડી,

સ્વાર્થ, સ્વચ્છંદતા, ભૌતિક ભૂખ છે.

પ્રેમ એન લાગણી કલ્પનામાં મળે છે.