આઝાદીનું મૂલ્ય

શું છે આ આઝાદી ? એવું પૂછનારને કહો !

એક દિવસ તો કોઈની ગુલામીમાં રહી જુએ,

પોતાનું ધાર્યું તો બધા કરતા જ હોય છે,

પરાણે એક દિવસ બીજાનું ધાર્યું કરી જુએ,

ગમતું ગુમાવ્યાનું દર્દ, તો વેઠે એજ જાણે

કેવું છે એ દર્દ એક દિવસ તો સહન કરી જુએ,

મુક્તિના આનંદમાં ઊડનાર, શું એને સમજે !

એને કહો એક દિવસ કોઈની કેદમાં રહી જુએ !

'સ્નેહી' એજ સમજી શકે આઝાદીનું મૂલ્ય

જે ગુલામીની કેદમાં એક દિવસ રહી જુએ !