આઝાદી આવી

આઝાદી આવી,પણ બરબાદી પણ લાવી છે,

આઝાદી સાથે ગુલામી જંજીર પણ લાવી છે !

મૂળભૂત હકો, આદર્શોની ભાવના પણ લાવી છે

ને સાથે સાથે શેખચલ્લી વિચારો પણ લાવી છે !

આઝાદી આવી પણ આઝાદી પૂર્વે અખંડભારત

ટુકડા કરતી અંધારી ગોઝારી રાત પણ લાવી છે !

આઝાદી આવી સાથે સાથે કાયદા કાનૂન લાવી ને

સાથે સાથે કાયદાઓની છટકબારી પણ લાવી છે !

આઝાદી આવી શોષણ વિરુદ્ધ મૂળભૂત હક લાવી

પણ શોષણ પોષણ કરતી વ્યવસ્થા પણ લાવી છે !

પૂછો દિલને ખરેખર શું આજે પણ આઝાદ છીએ ?

કાન્તાસુત મતે આઝાદી ! આઝાદી ભ્રમ પણ લાવી છે !