આજ આવી છે રંગીલી હોળી

આજ આવી છે રંગીલી હોળી….

મઢી કેસૂડે કેસરિયાળી ક્યારી

રંગમાં  રમે  ઋતુ રઢિયાળી

ખીલી છે મંજરી
વાગે છે બંસરી
ઘેલુડી ગોપી ને ઘેલો છૈયો
ફાગણનો વાયરો જ સૈયો

કુદરતનો વૈભવ
હૈયામાં  શૈશવ
મસ્તીના ઉમંગમાં જાત ઝબોળી
આજ આવી છે રંગીલી હોળી

વાગ્યા આ ઢોલ ને ઝૂમતા પાદર
ગુલાલી ગીત
મનડાના મીત
વસંતના વાયરે વેરઝેર છોડી
આજ આવી છે રંગીલી હોળી

ફૂટતી મધુવાણી તીલક તાણી

હૈયે હરિયાળી
ભરી પીચકારી
કયા તે રંગમાં રંગાશો ગોરી
આજ આવી છે રંગીલી હોળી

...