આ રાખડી

પકડી હું રાખડી, જોતી મારી આંખડી, 

આંખે નેજવું કરી વીરાની આ રાખડી, 

મને મૂકીને જઈ અનંતની સફરે, 

કોને બાંધુ ? તારા વગર આ રાખડી ? 

મન મારું રુએ, દિલ મારું ધડકે, 

શ્વાસોના શ્વાસે ગૂંથાયેલી આ રાખડી, 

યાદોની મહેફિલમાં આવીને બેસતો, 

હવે સપનામાં બાંધી તને આ રાખડી, 

બબ્બે વીરાની બેનડીની આંખો વરસે, 

ને વરસાવે વેદનાની હેલી આ રાખડી, 

મારાં અંતરની વાત જાણીને તું, 

બંધાવજે કોઈ અપ્સરા પાસે આ રાખડી, 

"સખી" નાં દિલની વાત બધી તું જાણતો, 

આજ સૂનાં મારાં આંગણાં ને આ રાખડી.