આ માનવનું શું કરીએ

અરે દગાબાજ પર વિશ્વાસ રાખી શું કરીએ ?

અરે તેનો વારંવાર આધાર રાખી શું કરીએ ?

સચ્ચાઈને જે નેવે મૂકે તેની આશા શું કરીએ ?

જૂઠનાં આડંબરે રાચે તેની આશા શું કરીએ ?

સદૈવ જિંદગીમાંથી થયા વિદાય શું કરીએ ?

તેઓની વિદાયે તડપતા જ રહીને શું કરીએ ?

બેઈમાન જન ઈમાનદારી ના રાખે શું કરીએ ?

બેઈમાન ઈમાનદારીથી ભાગશે તો શું કરીએ ?

અભિમાની અભિમાન ના છોડે તો શું કરીએ ?

અભિમાની સમય ના આપે જો તો શું કરીએ ?

સ્વાર્થી ત્યજે સ્વાર્થ આશા ફળે ના શું કરીએ ?

નિસ્વાર્થી બનવાનું ના સ્વીકાર તો શું કરીએ ?

અજ્ઞાની જ્ઞાનો લાભ નહીં સમજે તો શું કરીએ ?

જ્ઞાનના ઉજસાથી વંચિત રહેશે તો શું કરીએ ?

કામગરા લોકો મિત્રતાથી ભાગે તો શું કરીએ ?

જો સાચી મિત્રતા ના સમજે કહો તો શું કરીએ ?