આ આંસુ

હૈયાની હળવાશ છે આ વહેતા આંસુ,

ભીતરની પીડાનો બાહરી પ્રવાસ છે આંસુ,

પ્રિયજનનાં આગમને ભૂંસાય છે આંસુ,

પ્રિયજનની યાદમાં આંખમાંથી વહે છે આંસુ,

આંખમાં મોતી બની ઝળકે છે આંસુ,

આંખમાં પ્રેમનું વજૂદ છે આ આંસુ,

કોઈની સાચી લાગણીનું પ્રતીક છે આંસુ,

અવ્યક્ત લાગણીની સમજ છે આ આંસુ,

વિના આમંત્રણે આંખે આવી જાય આંસુ,

ક્યારેક પારકાં તો ક્યારેક પોતાનાં આપે આંસુ,

અંતરની આગને ઠારે છે આ આંસુ,

હૈયાની પીડા ને હળવી કરે છે આ આંસુ,

પાનખરની જેમ આંખેથી ખરી જાય આંસુ,

નવી કૂંપળ જેમ આંખે ઊગી જાય આંસુ.