અત્તર

મીરાં જેમ તારા પ્રેમમાં બની દાસી,

હતો તું મહા દુષ્ટ હું એ ભુલી હતી,

અત્તરના કુંડાં ન ભરાય એ હું ભુલી હતી.

મારા હૈયે તારા પ્રેમનો પાક કર્યો,

પાક નિષ્ફળ જશે હું એ ભુલી હતી,

અત્તરના કુંડાં ન ભરાય એ હું ભુલી હતી.

મેં તળાવમાં ખીલવ્યું હતું કમળ,

મહી કાતર ચલાવશે હું એ ભુલી હતી,

અત્તરના કુંડાં ન ભરાય એ હું ભુલી હતી.

સજાવ્યો હતો કાચનો રાજમહેલ,

ક્રુર બની તોડશે હું એ ભુલી હતી,

અત્તરના કુંડાં ન ભરાય એ હું ભુલી હતી.

હૈયે કરી હતી પ્રેમની મેં દિવાળી,

તું પ્રગટાવશે હોળી હું એ ભુલી હતી,

અત્તરના કુંડાં ન ભરાય એ હું ભુલી હતી.

અત્તર બનાવવા વાવ્યો ,"સરવાણી" એ બાગ,

અત્તરનાં છાંટણા જ હોય છે મિત્રો,

અત્તરના કુંડાં ન ભરાય એ હું ભુલી હતી.