સફર પ્રેમની
સફર પ્રેમની
કડવા મીઠાનો મિશ્રિત સ્વાદ છે આ સફર પ્રેમની,
ઈશનો મળેલ અનોખો પ્રસાદ છે આ સફર પ્રેમની,
માઈલોનુ અંતર હો ભલે એકમેકના અસ્તિત્વમાં,
હૈયૈ એકાકાર લાગણી સાદ છે આ સફર પ્રેમની,
રંગરુપથી પર નજરોમાં કેવળ હો નિ:સ્વાર્થ સત,
ચિક્કાર ભર્યા સ્વપ્ન ઉન્માદ છે આ સફર પ્રેમની,
રીતભાતના ઢાંચાઓ છોડી માર્ગ અલગારી શોધી,
ઊડતા આભે વિહગ આઝાદ છે આ સફર પ્રેમની,
ગુમાવવા નથી કશુંજ ના પામવાની લ્હાય હો જ્યાં,
સાંજ અનંત કાળનો વિખવાદ છે આ સફર પ્રેમની.