యుద్ధం

భయంకరమైన ఆలోచనలతో

నిత్యమూ ఒక పోరాటం

గుర్తింపు లేదని బాధలు

కెమెరాల నుంచి తప్పించుకుంటే చాలనే ఆశలు

ఒకరు ఎడారి వెంట

మరొకరు కెరటాల వెనుక

యాసలు భాషలు

తిట్లు చివాట్లు

వెరసి ఎన్నో ముచ్చట్లు

మాటలకందని మౌన గీతాలు

ప్రేమంటే పడని గుండెలు

వెంట పడి వేధించే ఆలోచనలు

యుద్ధం చేసిన తరువాత

ఫలితం ఇలా ఉందని

ఆలోచించే సమయం ఉండదు

నువ్వు చేసే యుద్ధం నీతోనే

ఇక్కడ గెలుపు కన్నా

నిన్ను నువ్వు మార్చుకునే మలుపే ముఖ్యం

నిన్ను నువ్వు స్వీకరించడం ముఖ్యం

అంతా విన్నా

ఏమీ ఎక్కనట్లు

అలా దిక్కులు చూడకు

విరామం తీసుకుని

విజయమంటే ఏమిటో తెలుసుకో..