గ్రంథాలయం
ప్రొఫైల్
వినిపించని సంగీతం
వినిపించని సంగీతం
1 min
189
నీకోసం ఎదురుచూస్తూ
ఒంటరిగా అలమటిస్తున్న
నా నిర్వేదాన్ని పారదోలడానికేమో
చంద్రుడులేని నీలాకాశం
మినుకు మినుకు మంటున్న
అశేష తారాగణం
మెత్తగా ఒత్తుగా వీస్తూన్న
సౌగంధిక వీచికలూ
ఎగిసిపడి లేస్తూ
హోరు పెడుతూన్న
సముద్రపు అలలూ
దట్టమైన పొదల్లోంచి
ఘోష పెడుతూన్న కీచు రాళ్ళూ
ఎగురుతూ తనకు చేతనైన
వెలుగులు నింపే
ప్రయత్నం చేస్తూన్న
వెలుగుల మిణుగురులూ
గాఢమైన సుషుప్తిలో
ఓలలాడుతూన్న ఈ జగత్తూ
అన్నీ మనసుకి మాత్రమే
వినిపించే సంగీతాన్నిస్తున్నాయి
నువ్వు రావడమే తరువాయి
