సూపర్ హీరో

ఎవ్వరూ రారు

అన్యాయాన్ని ప్రశ్నించడానికి

అన్నార్తులను ఆదుకోవడానికి

కొత్తగా ఎవ్వరూ రారు

పైనుంచి ఎగురుతూ కాదు

పీడిత సమాజపు సమూహం నుండి

వెర్రిగొంతుక ఒకటి బయటికి రావాలి

అసహనం ఆలోచనలకు దారి చూపి

సరైన మార్గంలో ముందుకు నడవాలి

నువ్వే ఆ సూపర్ హీరో

మనలోని ప్రతి ఒక్కరికీ ఆ సూపర్ హీరో అయ్యే అర్హత ఉంది

అర్హతే కాదు

బాధ్యత కూడా ఉంది

ఆలోచించాల్సిన బాధ్యత

మనం మరచిపోయిన బాధ్యత

కార్టూన్లు చూసే పిల్లలు నలుగురికీ సాయం చెయ్యడం గొప్ప విషయం అని భావించిన పిల్లలు

భావి పౌరులు

ఎదిగే కొద్దీ ఎందుకు సమాజానికి దూరమవుతున్నాడు

ఎందుకు అసహ్యించుకుంటున్నాడు

ఎక్కడ తప్పు జరుగుతోంది

సరి చేయాల్సిన బాధ్యత మనకు లేదంటారా?