స్త్రీ మాతృ మూర్తి
స్త్రీ మాతృ మూర్తి
నేను పుడమి నందు పురుడు పోసుకున్న పుణ్యమూర్తిని
ఆకాశము నుండి ఆశీర్వదించే అద్భుత శక్తిని
గాలి అందించి ప్రాణాలు నింపే వాయుదేవతను
పర్వతములందు నెలవైన పార్వతిదేవిని
అష్టదిక్పాలకులకు ఆలీని నేను
నేను పచ్చని ప్రకృతిలో వనదేవతను
రంగు రంగుల తీగల అకులలో లతాంగిని
కొండలల్లో కోనలల్లో నేను కోమలంగిని
అడవిలో నేను అపురూపమైన అమ్మ తల్లిని
నది సముద్ర జలశయాల్లో నేను జల కన్యను
వాగుల వంకల్లో నేను వయ్యారి భామను
సకల చర జీవరాసికి తల్లిని నేను
పేగును అందించి నిన్ను కన్న అమ్మను నేను
ఒడిలో మంచిని బోధించిన గురువును నేను
కాఠిన్యాన్ని తుంచి కారుణ్యాన్ని
అందించిన అనురాగ మూర్తిని నేను
ప్రేమను పంచి పెంచిన త్యాగమూర్తిని నేను
నేను ఒక స్త్రీ మాతృ మూర్తిని....
విశ్వమందు వ్యాపించి ఉన్న విశ్వమాతను
పంచభూతమలందు పరివ్యాపితమైన ప్రజామాతను
అమ్మగా, సోదరిగా, భార్యగా మహోన్నత శక్తిని నేను
ఈ సృష్టిని సృష్టించిన స్త్రీ మాతృ మూర్తిని....నేను