స్కూలుకెళ్దాం

పలకా బలపం పట్టుకుని

పరీక్షల భయం లేని స్కూలుకెళ్దాం

పరుగు పోటీలు దాగుడు మూతలు

పొద్దున్నే పద్యాలు మధ్యాహ్నం ఎక్కాలు

రోజూ కొత్త బొమ్మలు

సరి కొత్త ఆటలు

స్నేహాలు విరిసేదిక్కడ

విలువలు నేర్చేదిక్కడ

అలాంటి స్కూలుకు వెళదాం

ఆటల్లో పాటల్లో చదువులు చదివేద్దాం

మరీ విసుగు రాకుండా అల్లరి చేసేద్దాం

పరిసరాల పరిశుభ్రత ప్రకృతి పరిరక్షణ 

మరెన్నో నేర్చుకుందాం

నేర్చుకున్నవి మరచిపోకుండా ఆచరిద్దాం

పదండి మరి స్కూలుకు వెళదాం