శివోహం

హిమవన్నగ ఒడిలో నెలకొన్న 

పంచాక్షరీ మంత్ర స్వరూపం..

ఆ నామజపం అణువణువునా 

పులకింతల ప్రకంపనం ..

ఆ నామస్మరణం నిత్యం 

ప్రవహించే పరవశాల తరంగం..

జీవనదీ ప్రవాహమై భక్తుల 

మదిలో నిలచిన ప్రణవనాదం..

రాగద్వేషాలకు అతీతం

ఆ చిదానందుని స్వరూపం..

కాలాన్ని సర్పంగా ధరించి

జగాన్నేలే జంగమదేవర ఆ రూపం..

మారేడు దళంతో ముచ్చటపడి 

భక్తుల జలాభిషేకానికే బంధీ ఆ నిరాకారం..

కపటాలను తొలగించి 

మలినాలకు మర్మమై

దారిచూపే కర్మయోగి 

గరళకంఠుడు అతడు..

అందుకే..అయ్యాడు..

ముల్లోకాలేలే ముక్కంటి,

సర్వేశ్వరుడు ,పరమేశ్వరుడు..

సర్వం శివమయం..

సమస్తం శివోహం..