ప్రణయ గంగ

తపము సేయగ

తనువులోని ప్రణయ గంగ ఉప్పొంగ

ఆమె నడిచినది కెరటముల వెంట

భావావేశములు తాళము రాగములై

విరించి వ్రాసిన కొత్త రాతలా ఉంది

అతడి గానం వినేందుకు 

ఆమె విడిచినది భయమును

అతడి గానం వేగమైనది

ఆమె నడక పరుగులా

ఆ పరుగు నాట్యములా మారింది

యుగాంతమున ఎగసిపడునట్లు

అతని సంగీతం ఆమెను చుట్టుముట్టింది

ఆ ఇసుక నిండా ఆమె నాట్య భంగిమలు

ఆకాశమే ప్రేక్షకుడు

అతడి రాగానికి శృతి ఆమె స్మృతి

ఆమె నాట్యానికి గతి అతడి ఖ్యాతి

పర్వతములు దాటి గంగ సాగరము చేరినట్లు

సమస్యల చిక్కుముడులు విప్పుతూ

ఆమె అతడిని చేరింది

పాట ఆటతో జత కట్టింది

అనంత సాగర సంగమములో

ఒక కొత్త లయ వినిపిస్తోంది

బహుశా అది ప్రేమ కావచ్చు

విధిని ఎదిరించిన వింత అనొచ్చు