ప్రకృతిమాత

 ప్రకృతికే మానవులు ప్రణతులను చేయాలి
 సుకృతంబుగా తలచి శుద్ధులై మెలగాలి
 మన్నులోకనిపించు మాణిక్యములు నేడు
 చెన్నుగా మనకిడును జీవంబు లేనాడు
 ప్రాతపద్ధతులు సౌభాగ్యంబుగా నిలుచు
జాతినే నిలబెట్టు చైతన్యమే పొలుచు
 మనవాళ్ళు బోధించు మంచినే తలుచుకో!
ఘనమైన సంస్కృతిని కాపాడి మసలుకో!
 పూర్వకాలమునుండి భువిపైన విలసిల్లు
సర్వ జాతులు మనకు సమతతో ప్రణమిల్లు
 సాధుసంతులు చూపు సన్మార్గమే నిజము
ఆధునిక కాలమున కాధారమౌ సతము
 మరచి పోరాదు మన మాతృ భూమిని మనము
నిరతమా పదములను నిష్ఠతో మ్రొక్కెదము// ********************************