పెద్ద దిక్కు అని
పెద్ద దిక్కు అని
1 min
251
అతడి మాటలు శాసనంగా
శాశ్వతంగా నిలుస్తాయనుకున్నాడు
గౌరవంగా చూసే వాళ్ళను
భయపెట్టే బ్రతకాలనుకున్నాడు
అలానే బ్రతికాడు కూడా
కాలం కదిలింది
అతని శక్తిని కరిగించింది
అవసాన దశలో
నోరు మాత్రమే శక్తిని కూడగట్టుకుని నిలిచింది
ఖల్ ఖల్ అంటూ దగ్గు
చిరపరిచితమైన పాత నొప్పులు
పిలిచినా పలికేందుకు
ఇష్టంగా దగ్గరికి వచ్చేందుకు
ఎవరికీ మనసు రాలేదు
బంధాన్ని బాధ గెలవలేదు అనుకున్నాడు
అతడి పాత ప్రవర్తన
మరచిపోవాలని అనుకున్నాడు
నిందించాడు
మరలా మరలా
శాసించాడు
పెద్ద దిక్కు
ఏ దిక్కుకు చేరెనో మరి..